CERITA RAKYAT DARI MANDAILING

‎****AMA NI MARPULI HODONG****
Carito ni Bayo paragat bargot
Marangan angan di ari manyogot
Atia mangumpul ngiro
Bahan baenon gulo

Dompak di ginjang bargot
Ngiro di garung madung porkot
Ibana muloima mambaen hagiot
Mamaliaro,manuk,ambeng, horbo ancogot.

Muda baya marhasil manngadis gulo
Baenon ma modal panabusi ni manuk
Mamaliaro manuk pe marhasil
Palanjutma manabusi hambeng

Hambeng on pe rampak marpinompar
Digadis masude anso adong panabusi ni horbo
Horbo madung maranak anak sannari madung sabara
Inda dabo tar parmahan be anggo hum namardalan pat sajo.

Tarpikir ma Ama ni Marpuli Hodong anso manabusi kudo
Manunggang kudo kuliling marmahan horbo
Tai bia ma baenon naso jungada dope manunggang kudo
Aha salana muda marsiajar ma jolo manunggang kudo

Manaek mada Ama ni Marpuli Hodong
Namanaek tu alopa ni bargot
Diparkudo ibana ma alopa hodong ni bargot
Lalat di namarsiajar manunggang kudo

Lupama ibana marsitiop harani asikna namanunggang kudo
Maturapak ma pangkal ni alopa hodong ni bargot
Pak....rebesss...buuuuuuummmm
Pingsan doma ibana madabu di toru bargot

Onpe ale dongan koum
Muloi sadarion
Ulang dibaen angan angan
Songn Ama ni Marpuli Hodong on.
**hamhas,30 oktober 2011,ahad**

Oleh : Hidayat Alimuddin